मुकणे हे गाव महाराष्ट्र राज्यातील नाशिक जिल्ह्यातील इगतपुरी तालुक्यात वसलेले एक सुंदर व प्रगतशील गाव आहे. या गावाची स्थापना १५ फेब्रुवारी १९५७ रोजी झाली. गावाची एकूण लोकसंख्या ३०२१ असून कुटुंबांची संख्या ३६९ आहे (२०११ च्या जनगणनेनुसार). गावातील प्राथमिक व माध्यमिक शाळा, तसेच ४ अंगणवाड्या कार्यरत आहेत.

गावात शेती हा प्रमुख व्यवसाय असून त्यासोबत दुग्ध व्यवसाय आणि शेतीपूरक उद्योग सुद्धा मोठ्या प्रमाणावर चालतात. गावाच्या शेजारी मुकणे धरण असून त्यामुळे परिसर सुजलाम सुफलाम झाला आहे. गावातील बराच तरुण वर्ग पोलीस आणि सैन्य दलात कार्यरत आहे.

गावात डांबरी व काँक्रीट रस्ते, भुमिगत गटार यंत्रणा, तसेच घनकचरा व्यवस्थापनासाठी घंटागाडी उपलब्ध आहे. गावात ग्रामपंचायत मुकणे ही कार्यरत असून अनेक शासकीय योजना (जसे की प्रधानमंत्री आवास, शबरी आवास, समाज कल्याण योजना, संजय गांधी निराधार, अपंग साहित्य वाटप) यशस्वीपणे राबवल्या जातात.

गावात राजवाडा, कातकरी वस्ती, घोबाचीवाडी अशा वाड्या व वस्त्या आहेत. गावात पौराणिक मंदिरे असून गणेशोत्सव, यात्रोत्सव, जिवंत देखावे या गोष्टी मोठ्या उत्साहात साजऱ्या केल्या जातात.

गावाचा परिसर डोंगराळ, सुपीक आणि पावसाळी हवामानासाठी प्रसिद्ध आहे. जवळच ब्रह्मगिरी पर्वत, गोदावरी नदीचा उगमस्थान आणि अनेक धार्मिक तसेच नैसर्गिक स्थळे असल्यामुळे खरोलीचे महत्त्व अधिक आहे.