ग्रामपंचायत कार्यालय बदद्ल माहिती

ग्रामपंचायत माहिती

मुकणे हे भारतातील महाराष्ट्र राज्यातील, नाशिक जिल्ह्यातल्या, इगतपुरी तालुक्यात वसलेले एक सुंदर गाव आहे. गावाची लोकसंख्या २०११ च्या जनगणनेनुसार ३०२१ इतकी आहे तसेच येथील घरांची एकूण संख्या ३६९ इतकी आहे. मुकणे गाव नाशिक जिल्ह्यापासून २५ कि.मी. तसेच इगतपुरी पासून १६ कि.मी. तर महाराष्ट्राची राजधानी मुंबईपासून साधारणपणे १५० किमी वर स्थित आहे. मुकणे पिनकोड ४२२४०३ हा असून त्याचे पोस्ट ऑफिस मुकणे येथे आहे. काही वर्षांपूर्वी नाशिक कुंभमेळ्याचे ध्वजारोहण मुकणे गावाजवळिल कावनई या गावात झाले कावनई या गावात कपिलेश्वर तीर्थक्षेत्र आहे,व कामाक्षी माता मंदिर आहे कावनई येथे पण मोठ्या संख्येने भाविक लोक येत असतात. त्यानंतर साधू-महंत नाशिकच्या कुंभमेळ्यात पोचत. मात्र १९५६ पासूनच्या सिंहस्थ पर्वणीपासून या परंपरेत खंड पडला. मात्र नुकत्याच २०१५ मध्ये झालेल्या कुंभमेळ्यात ही परंपरा पुन्हा सुरू करून कुंभमेळा पर्वणी ध्वजारोहन कावनई येथे तीर्थक्षेत्रावर करण्यात आले.